«Бейшара Чарли альманахы» әрине Бенджамин Франклиннің «Бейшара Ричард альманахына» еліктеп жазылған. Көпшілік Франклиннің әмбебап дарын иесі болғанын біледі. Ол АҚШ Тәуелсіздік соғысының көсемі болуымен қатар, журналист, баспагер, жазушы, филантроп, құлдықты жоюшы, қоғам қайраткері, ғалым, кітапханашы, дипломат және инвестор болған.

Франклин 1733 жылдан 1758 жылға дейін «Бейшара Ричард» деген бүркеншік есіммен өзінің «Альманахын» (Жылнамасын) жариялап тұрды. Оның мазмұны бай әрі алуан түрлі болды: кейіннен әйгілі болған Франклиннің көптеген нақыл сөздерінен бөлек, күнтізбе, ауа райы болжамы, астрономиялық мәліметтер және т.б. қамтыды. «Альманах» кітабы сол кездегі отарлық Америкада өте танымал болып, жылына шамамен 10 мың данасы сатылып отырды.

«Бейшара Ричард альманахындағы» нақыл сөздердің ауқымы кең және көбінесе әзіл-сықаққа толы. Олардың ішінде мыналар бар:

«Сауда-саттықтан күйреген мемлекет болған емес.»

«Өз ісіңді басқармасаң, іс сені басқарады.»

«Өзін сүйген жан жеңілмейді.»

«Махаббатсыз неке болса, некесіз махаббат та болады.»

«Асығыстық — саудадағы ең жаман серік.»

«Үш адам сыр сақтай алады, егер олардың екеуі өлі болса.»

«Жаудың кішісі болмайды, бәріне мән беру керек.»

«Бос қап тік тұрмайды.»